Drejtuesit e Luftëtarit i ka gjetur “belaja” me të huajt. Pak ditë më parë u shkarkuan dy trajnerët Fernandez dhe Kurbelo, por ata vazhdojnë të jenë ende në Shqipëri, sepse kërkojnë pagën e muajit tetor. Një çështje për t’u zgjidhur.
Një çështje tjetër është ajo e dy lojtarëve të huaj Ninies dhe Nasif, të cilët erdhën gjatë merkatos së verës. Nunies luajti në disa ndeshje, por u pezullua nga stafi i mëparshëm teknik pas ndeshjes me Kamzën për arsye disiplinore.
Lojtari nga Argjentina, Nasif, është vlerësuar i panevojshëm për ekipin, por që të dy po stërviten në Gjirokastër, të veçuar nga grupi. Nuk do të ishte çudi që të dy këta lojtarë të mbeten te Luftëtari deri në fund të vitit, edhe pse nga klubi gjirokastrit nuk jepet asnjë konfirmim zyrtar.
