Kryeministri Edi Rama e nisi podcastin e tij duke komentuar pezullimin nga detyra të zv,kryeministres Belinda Balluku me vendim të GJKKO-së.
Rama tha se pezullimi nga detyra e Ballukut është de facto presion për shkarkimin e sj.
“Një debat i hatashëm ka mbushur boshllëkun e klubeve mediatike dhe pasqyrave sociale pasi një prokuror dhe një gjykatës kokë më kokë pezulluan një anëtar të kabinetit qeveritar. Nuk dua të hyj në debat për një absurditet kaq të rrezikshëm sa ky dhe pres me durim që GJK t’i japë drejtim çështjes së kësaj rruge të pashkelur askund në Evropë dhe në botë. Ndaj me ju sot se çfarë thonë Komisioni i Venecias dhe Gjykata Evropiane e Strasburgut.
Qëndrimi i Venecias është i prerë, gjykatat nuk mund të pezullojnë anëtar të qeverisë, sepse duke bërë këtë cenojnë balancën e pushteteve. Për sa kohë që një ministër është figurë publike, nëse gjykata e pezullon, praktikisht ndërhyn në punën e qeverisë, merr kompetencat e kryeministrit dhe presidentit. Duke e bërë këtë gjykata krijojnë mundësinë e instruentalizimit të drejtësisë. Komisioni i Venecias e ka thënë masat e pezullimit vlejnë për nëpunësit jo për anëtarët e qeverisë.
Së fundmi pezullimi gjyqësor i ministrit është de facto presion për shkarkimin e tij. Kur pezullohet një ministër, pezullohet e gjithë vendimarrja për një apo më shumë sektor që kryeministri mund të mbulojë.
Gjykata e Strasburgut nuk është ndeshur kurrë me këtë absurd dhe nuk ka dhënë asnjëherë asnjë vendim specifik kur të përmendet fjala pezullim i ministrit nga gjykata Në asnjë shtet evropian që një prokuro dhe një gjykatës të mblidhen bashkë në errësirë dhe të pezullojnë një ministër. Kjo që kanë bërë në Shqipëri, është një tentativë e padëgjuar, një ide e pazhvilluar më parë dhe një rrugë e paimagjinuar askund tjetër se mund të shkelet nga gjyqësori”, tha Rama.
