Pas denoncimit të ngritjes së një biznesi pa leje për shfrytëzimin e ujrave të Vjosës në grykën e Këlcyrës, ministrat Blendi Klosi dhe Sonila Qato udhëtuan drejt vendngjarjes.
Tashmë atje biznesmeni Harri Lena ka hedhur kolonat dhe betonin për devijimin e ujerave dhe shfrytëzimin e tyre për biznes.
Ministri i Turizmit dhe Mjedisit Blendi Klosi e ka cilësuar projektin si një dinosaur mjedisor duke siguruar se nuk do të ketë tolerim për këtë biznes të paligjshëm.
“Nuk ka asnje tolerim per bisnese te paligjshme ne dem te interesit re perbashket dhe pasurise se perbashket, mjedisin. Dinozaure mjedisore si ky ndertim ketu, nuk do te pranohen, nuk do lejohen dhe nuk kalojne ne heshtje.
Gjej rastin te falenderoj drejtuesit e ministrise se Brendshme per nisjen e hetimeve per mosveprimin e policise se shtetit per kete skene krimi, si dhe heshtjen e cdo strukture lokale qe mbyllin syte dhe lejojne te tilla bisnese te paligjshme, krime mjedisore qe demtojne interesat e perbashketa, pronen e perbashket dhe me shume sesa kaq, lejojne te demtohet kjo pasuri e perbashket sic eshte lugina e vjoses, qe eshte trashegimi e perbashket historike, kulturore por dhe shpirtore.
Per ne, per ministrine e Turizmit dhe Mjedisit, per kete qeveri qe ka shpallur aleate te bashkeqeverisjes qytetaret, interesi dhe zeri i tyre eshte vendimarres.
Ndaj ftoj cdo qytetar te denoncoje, bashkeveproje me ne per te penguar, moslejuar apo parandaluar vepra te tilla, krime te tilla mjedisore, dinozaure te shkaterrimit te pasurise se perbashket, mjedisit,” u shpreh Klosi.
“TemA” ka denoncuar hap pas hapi masakrën që po kryhet në grykën e Këlcyrës e cila konsiderohet nga ambjentalistët si shkatërrimtare për lumin Vjosa.
Punimet janë kryer nga biznesmeni Harri Lena i cili vetëm disa metra larg tyre, ka fabrikën e tij të ujit “Trebeshina”.
