Vdekja e kantautorit Françesk Radi ka sjellë një dhimbje shumë të madh për këngëtaren Rozana Radi.
Në postimin e saj të parë në rrjete sociale ajo e krahasoi humbjen e tij, si humbjen për herë të dytë të babait të saj. Por këtë herë fjalët e saj kanë qenë edhe më prekëse, ku përmes një foto të babait të saj dhe Françeskut, Rozana ka theksuar se e “ka gënjyer jeta” pasi ishte rritur me idenë që do ta kishte gjithnjë pranë.
“Me genjeu jeta! Ju mori shume shpejt. Une u rrita me idene qe pas humbjes se babit ti do jesh gjithmone aty per mua! Kisha ende shprese dhe arsye te gezoja sepse ishe ti qe gezoje per arritjet e mia ! Se di a te kam bere mjafueshem krenar por di qe u mundova te te gezoja ne cdo gje qe beja. Tregoj babit e mamit kur te shkosh atje lart qe ju kam ne zemer dhe do te kendoj e shkruaj per te gjithe “Pranverat” qe humbet! Po me shtohen shume engjej atje lart nuk dua me,”-përfundon postimi i saj në rrjete sociale.
Kantautori Françesk Radi ndërroi jetë gjatë ditës së sotme si pasojë e një hemoragjie cerebrale. Ai qëndroi rreth një javë në gjendje të rëndë në spitalin e QSUT.
