Mbyllet raundi i parë i aplikimeve në universitete

15 shtatori është data e mbylljes së raundit të parë të regjistrimeve, në 35 universitete publike dhe private të vendit. Në dy ditët në vijim, në datat 16 e 17 shtator, maturantët kanë kohë për t’u ç’regjistruar. Më pas, në datën 19 shtator fillon raundi i dytë i aplikimeve. Maturantët dhe kandidatët e viteve të shkuara kanë aplikuar deri në datën 3 gusht, duke plotësuar formularin A2, ku kanë listuar 10 preferencat e tyre. Sikundër ka ndodhur gjatë viteve të tjera, edhe për 2020-n, konkurimi për universitetin do të zhvillohet me tre raunde, deri në plotësimin e kuotave të miratuara për çdo program studimi.