Një vrasje mizore ka ndodhur në Ampelokipi. Vrasja, sipas informacioneve, ka ndodhur një javë më parë, konkretisht të enjten e kaluar. Sipas informacioneve, një burrë me origjinë shqiptare ka lajmëruar policinë pak pas orës 18:00 të së enjtes dhe ka rrëfyer se gruan e tij e ka vrarë të enjten e kaluar me çekiç dhe se trupin e ka në papafingo me najlon.
Vrasja ka ndodhur në një apartament në katin përdhesë, në rrugën Lakonias 19, në Ampelokipi, raportojne mediat greke. Burri, i cili është 39 vjeç, ka telefonuar autoritetet për të shkuar në banesë dhe për të gjetur kufomën. Në vendngjarje kanë shkuar forcat e sigurisë si dhe Departamenti Helen i Policisë Kriminale.
Sipas informacioneve, trupi është gjetur në papafingo të banesës dhe ka një erë të keqe të fortë. Në fakt janë gjetur çanta të zeza të cilat policia do t’i ekzaminojë. Autori u arrestua dhe do të dërgohet në paraburgim për t’u marrë në pyetje.
I shoqi ka thënë në polici se e ka vrarë për xhelozi, pasi ajo e tradhtonte me një shok. Ai tha gjithashtu se e ka vrarë me çekiç por edhe me duar. Ai pohoi se gjatë gjithë këtyre ditëve, fëmijët lëviznin nëpër shtëpi.
Sipas të njëjtave informacione, policia me të mbërritur në vendngjarje ka gjetur autorin së bashku me dy fëmijët e tij 9 dhe 12 vjeç në hyrje të pallatit dhe e ka arrestuar.
