Një video me humor e shpërndarë nga Mirela Kumbaro në Tik Tok gjatë mbledhjes me strukturat e PS-së në lagjen “Punëtore” në Gjirokastër është bërë virale në rrjet. Në komunikim me Andi Shkurtën, drejtorin e ARRSH Rajoni i Jugut, Kumbaro i vendos si objektiv rezultatin e 14 majit, i cili duhet të jetë 3% më i lartë se i zgjedhjeve të vitit 2021. Ndërsa për zgjedhjet parlamentare të vitit 2025 duhet që PS t’i fitojë 100% të votave i thotë Kumbaro me humor.
Shkurta i tregon se në zgjedhjet e fundit PS ka marrë në këtë lagje 67% të votave, Kumbaro i kërkon të shkojnë në 70%. Ngjan pak a shumë si përllogaritjet e Ramës me Damian Gjiknurin në vitin 2021 gjatë një takimi elektoral në Kuç të Vlorës, ku kreu i socialistëve shkroi sipër një tavoline numrin e mandateve që PS-ja do të fitonte dhe qëlloi fiks në shenjë. Parashikimi i Ramës u pagëzua gjerësisht në rrjet si Memorandumi i Kuçit. Kjo e Gjirokastrës ndoshta është Morandumi i lagjes “Punëtore”. Shihni videon më poshtë. ©argjiroja.net
