Merr zjarr shtëpia dykatëshe në Gjirokastër

Një zjarr i madh ka përfshirë një banesë dykatëshe në lagjen “Dunavat” në Gjirokastër. Sipas informacioneve paraprake, zjarri dyshohet të ketë “shpërthyer” nga një masë elektrike në depon e banesës, ku edhe mbaheshin materiale të ndryshme dhe dru zjarri. Zjarrfikësit po punojnë për vënien e zjarrit nën kontroll, ndërsa fatmirësisht përveç dëmeve materiale në banesën e Ermal Çanit nuk është raportuar asnjë i lënduar.