Një ngjarje jo e zakontë ka ndodhur në spitalin e Gjirokastrës. “Jeta Osh Qef” ka publikuar pamjet, ku shihet një pacient që po goditet me shpulla në një prej korridoreve të urgjencës të Spitalit “Omer Nishani”. Në video duket se si një person i veshur me të kuqe dhe me logon e Ferrarit, tenton të nxjerrë jashtë pacientin i cili gjendet në barrelë. Dyshohet se personi që po dhunon pacientin është punonjës i spitalit, që atë moment ishte në gjendje të dehur, megjithatë kjo mbetet për t’u verifikuar. Deri më tani për ngjarjen nuk ka një reagim zyrtar nga spitali.
Sipas burimeve për Joq Albania personi që duket duke dhunuar pacientin është një punonjës i spitalit në gjendje të alkoolizuar, megjithatë kjo mbetet për t’u verifikuar. Në video duket qartë sesi ky person e qëllon pacientin me shpullë.
Ajo që e bën më të rëndë ngjarjen është fakti se dhuna ka ndodhur në prani të të paktën 3 personave të tjerë, ku të paktën dy janë veshur me uniformën e Kryqit të Kuq Shqiptar. Askush prej tyre nuk ndërhyn për të ndalur dhunën ndaj pacientit, madje qeshin dhe filmojnë gjithçka me celular./ JOQ.al
