Ilir Meta tashmë nuk flet më si president, por si kryetar opozite. Ai thotë se ka vendosur ta rrëzojë Edi Ramën nga pushteti, dhe kjo mund të ndodhë edhe para 25 prillit. Se si do ta bëjë këtë, vetëm ai e di.
“Shkatërrimi brutal i Marrëveshjes së 5 Qershorit ishte vetëdemaskimi i “Rilindjes” si përfaqësuese e pakicës së pakicës apo thjesht oligarkisë dhe bandave. Populli shqiptar do të jetë në lartësinë që e kërkon ky moment historik për rrëzimin e murit kriminal të “Rilindjes” që është vendosur nga dje në rrugën e integrimit europian. Ky mur do shembet nga tre milionë shqiptarë në 25 Prill, por edhe më parë nëse është e domosdoshme. Shqipëria e Para! Shqipëria si gjithë Europa”, shkruan Meta.
