Sophia Hutchins, një mikeshë e ngushtë dhe menaxhere e Caitlyn Jenner, vdiq në një aksident.
TMZ ishte e para që raportoi lajmin, duke cituar burime të zbatimit të ligjit dhe të familjes.
Hutchins u shpall e vdekur mëngjesin e së mërkurës, më 2 korrik, në Malibu të Kalifornisë. Hutchins po ngiste një ATV në një rrugë pranë shtëpisë së Jenner në Malibu kur u përplas me parakolpin e një automjeti në lëvizje që mbante dy pasagjerë. ATV-ja ra 108 metra poshtë në një përrua.
Të dy pasagjerët në automjetin tjetër mbetën të padëmtuar, sipas TMZ.
Hutchins shërbeu si CEO dhe drejtoreshë e Fondacionit Caitlyn Jenner. Dyshja u takua në vitin 2015 kur Jenner njoftoi tranzicionin e saj. Ata u lidhën shpejt, me Hutchins që më vonë e lavdëroi Jenner per vendimin. Hutchins vazhdoi të shfaqej në disa episode të serialit të saj reality show në E!, I Am Cait.
