Kryeministri i Shqipërisë, Edi Rama, ka dhënë një lajm të mirë për të gjithë ata nxënës, të cilët do të studiojnë për mësuesi. Shefi i qeverisë theksoi se mesatarja është kriteri kryesor për të ndjekur studimet për mësuesi, ndërsa shtoi se të gjitha të tjerët që janë me mesatare mbi 9 dhe që ndjekin po këtë drejtim, do të trajtohen me bursë deri në 1000 mijë dollarë në vit.
Ndërkohë ministrja e Arsimit, Lindita Nikolla tha se për mbylljen e disa degëve në universitetet e vendit ishte një vendim i dhimbshëm, por s’kishte zgjidhje tjetër. Sa i përket cilësisë së mësuesve që dalin nga Universiteti i Gjirokastrës dhe Elbasanit, cilësia lë për të dëshiruar u shpreh ministrja.
“62% e studentëve që vijnë nga Gjirokastra rezultojnë mbetës në vitin 2017 në provimin e shtetit për të marrë licencëne mësuesit. 49.5% e studentëve nga Universiteti i Elbasanit nuk ia dalin dot të marrin provimin”, tha ministrja e Arsimit, Lindita Nikolla.
©ArgjiroLajm.net
