Ministrja e Mbrojtjes Olta Xhaçka, u ka bërë thirrje të gjithë qytetarëve shqiptarë që të mos udhëtojnë nëse nuk e kanë më ngut. Në një prononcim për Top-Channel, Xhaçka përsëriti se situata që po ndodh aktualisht në Kakavijë, nuk është diçka që ndpdh vetëm në Shqipëri por ndodh edhe në vendet e tjera, edhe në ato europiane, që kanë vendosur kufizime.
Ministrja shtoi se komentet në media nuk duhet të jenë engative, pasi qeveria po bën gjithçka është e mundur për të vënë situatën nën kontroll.
“Për të gjithë ata që kanë arsye për t’u ngutur të mos udhëtojnë. Dua ta nënvizoj se kjo situatë nuk është vetëm e jona. Është një vendim që diktohet nga pandemia. Ka ndodhur edhe brenda vendeve europiane. Nuk është diçka që u trajton marrëdhënieve mes vendeve. Shikoj edhe disa komente në media dhe janë të pasakta. Duhet të dini që nuk ndodh vetëm në vendin tonë,”- u shpreh ajo.
Situata në pikën kufitare të Kakavijës është bërë shumë alarmante. Qytetarët, me gra e fëmijë, janë torturuar në diell e temperature të larta, prej tre ditësh ku radha e automjeteve ka shkuar në 25 kilometra. Tre persona kanë shfaqur edhe probleme shëndetësore. MPEJ bëri me dije se pas bisedimeve me palën greke, do të zgjatet ora e punës, do të shtohet numri i testimeve në orë dhe kapacitetet.
