Nga Mirela Kumbaro
Në këtë mbrëmje nuk mund të mos shpreh dhimbjen dhe dy fjalë për një tjetër gjirokastrit që u nda aksidentalisht nga jeta në 24 orët e fundit tek ishte në krye të detyrës , ndërsa kolegu i tij po lufton për të fituar jeta.
Them një tjetër sepse është e katërta humbje në radhët e elektriçistëve të OSSh- Gjirokastër, në gjysmën e parë të këtij viti. Vit që nisi me mot të vështirë kur ne të gjithë i lëvduam trimat e kësaj ndërmarrjeje teksa përballuan me sukses e guxim ditët e vështira të dëborës që bllokuan qarkun tonë në shkurt të këtij viti.
Por po ky vit po na hidhëron shumë që nuk po e mban dorën në rrezikimin e jetës së tyre. Isha vetëm pak ditë më parë në Nepravishtë në prag të shtëpisë së Karafil Pupes, elektricistit që humbi gjithashtu jetën në punë e sipër dhe që e njihja personalisht, neprvishnjot i mirë dhe kryefamiljar shembullor. Dhe sot nuk gjej fjalë për të ngushëlluar të afërmit e Gëzim Cabejt që nuk ëshë më. Zoti u dhëntë forcë e zoti mbajttë dorën!
Por edhe më shumë kujdes në punë duhet e më shumë vëmendje të kemi ndaj specialistëve të sektorëve delikatë të shërbimit! Mos ndodhtë më!
