Drejtori i Urgjencës Kombëtare, Skënder Brataj ka reaguar pas testit të dytë që e nxorri negativ me koronavirus. Në një reagim në rrjetin e tij social, Brataj i dedikoi një letër pandemisë, ndaj të cilës kishtë dalë fitimtar.
Filllimisht në letër, Brataj përshkruan simptomat e tij të para dhe më pas rendit gjithë të mirat që kemi mësuar të vlerësojmë më shumë në këtë kohë kur e gjithë bota është e mbëthyer nga covid-19.
“Për herë të parë u kënaqa pa masë me fjalën dy herë: “NEGATIV”! Fshehtas punuat dhe kërkuat me çdo kusht trupin tim, ndërsa isha me kolegë në front duke u përgatitur si të mbroheshim nga ty. Ju filluat të më kafshoni dhe të më bëni që të vuaj duke më hequr buzëqeshjen, duke tentuar të më mernit edhe frymën! E vërteta është se edhe më frikësuat për një moment, më bëtë të ndjehem i pasigurt, sepse këtë herë isha pacient, isha i dobët, i zbehtë, i hutuar dhe i lënduar. Isha i pa përgatitur sepse ishte hera e parë që takoheshim,”-shkruan mjeku.
LETRA E BRATAJT:
I nderuar Coronavirus i pa besë! Ju erdhët fshehtas…
Fshehtas punuat dhe kërkuat me çdo kusht trupin tim, ndërsa isha me kolegë në front duke u përgatitur si të mbroheshim nga ty. Ju filluat të më kafshoni dhe të më bëni që të vuaj duke më hequr buzëqeshjen, duke tentuar të më mernit edhe frymën! E vërteta është se edhe më frikësuat për një moment, më bëtë të ndjehem i pasigurt, sepse këtë herë isha pacient, isha i dobët, i zbehtë, i hutuar dhe i lënduar. Isha i pa përgatitur sepse ishte hera e parë që takoheshim. Por Ju Coronavirus harruat se pas sulmit tuaj, që shkaktonte shumë dhimbje, kishte një mbështetje shumë të madhe të qindra njerëzve, miqve, shokëve dhe mbi të gjitha familjes. Lutjet e shumë njerëzve në të gjitha besimet, më bënë që të ndjehem i mbrojtur, i rrethuar me humanizëm, me dashuri dhe solidaritet dhe unë normalisht do të nxisja vullnetin dhe kurajon, për të të luftuar me të gjitha forcat. Ëau Ëau, ja dola! Ju humbët me mua, por na ndryshuat dhe na bëtë të reflektojmë të gjithëve, se një qënie kaq e vogël si ju, mundët të bllokonit një botë kaq të madhe në pak kohë. Ju na mësuat që lufta me ju do të vazhdojë, prandaj ne po studjojmë të gjitha pikat e dobëta që keni, sepse jemi të sigurt që do ta fitojmë luftën kundër jush. Mendoni se bota nuk ka çfarë t’ju bëj? Mendoni se bota do të rri duarkryq? GABONI! Na mësuat që Jeta është e shtrenjtë, jeta është e bukur, ajo jetohet vetëm njëherë, jeta është pasuria më e madhe që kemi, është gjëja më e çmuar, prandaj ajo duhet jetuar! Për këtë keni të drejtë, ajo duhet respektuar, asaj duhet ti kushtohemi më shumë. Ju na rikujtuat që jeta e të gjitha shtresave të shoqërisë para sëmundjeve është e barabartë. Por, për ju Coronavirus, pra COVID-19, është pak ndryshe; jeni më i shpejtë, shpërndahesh shumë, në një kohë të shkurtër dhe shkaton shumë demtime. Është hera e parë që trajtimi yt është i njëjtë për të gjithë. Është hera e parë që COVID-19 kurohet dhe vlerësohet njësoj për të gjithë pa dallim: pa privilegje, pa arrogancë, pa njohje, pa moshë, pa besim fetar, pa pasuri, pa pozitë, pa ngjyrë politike! Ne do ta fitojmë luftën kundër teje, sepse do të privohemi nga liria, nga pasuria, nga mirëqënia, nga privilegjet, nga përqafimet, nga shumë gjëra te tjera për aq kohë sa do të na duhet për të të mundur! Do ja dalim të gjithë së bashku!
Shefi i Urgjencës u infektua disa javë më parë me koronavirusi, ndërsa shprehej se nuk e dinte nga e kishte pandeminë. Ai u shpreh se kishte pasur simptoma dhe kishte bërë testin, që rezultoi pozitiv. Pikërisht nga ai moment, Brataj bëri me dije se u vetëkarantinua për t’u rikuperuar.
