Modelja shkodrane e cila ka qenë edhe “Miss Shqipëria”, Erjona Sulejmani, ka lëshuar disa thumbime për futbollistin Blerim Xhemaili, me të cilin ajo është e martuar por tani është në prag divorci. E ftuar në emisionin “C’e posta per te”, nga Luciana Litizzetto, modelja i është përgjigjur edhe disa pyetjeve të tjera në studio. Ajo nuk kurseu ironinë për mbiemrin e saj ndërsa tha: “Sulejmani, pasi meshkujt kur më shohin ngrenë duart lart”. Ndër të tjera ajo ka komentuar edhe fustanin e saj të shkurtër, që ngjante tejet bukur në fizikun e saj seksi.
“Është i shkurtër, epo ne duhet të tregojmë veten. Megjithatë, nuk kanë pse i japin gojës, pasi unë jam duke u ndarë nga Blerimi”,- ka thënë Erjona.Çifti që tashmë i kanë thënë fund lidhjes së tyre, kanë një djalë të vogël që quhet, Luan. Mesfushori nuk e ka komentuar ndarjen me modelen ndërsa shkodranja ka lënë të kuptojmë që shkak për divorcin e tyre ka qenë tradhtia. Ajo në mediat italiane ka thënë se “futbollistët tradhtojnë shumë”.
