Mrekulli, nxirret e gjallë nga rrënojat e tërmetit foshnja dy muajshe në Turqi (VIDEO)

Tërmeti me magnitudë 7.7 në Turqi preku të paktën 10 provinca rreth epiqendrës së tij. Rajoni i Hatay ka parë disa nga fatkeqësitë më të këqija me të cilat duhet të përballet vendi fqinj. Ndërsa përpjekjet e kërkim-shpëtimit vazhdonin në qendër të qytetit, një tjetër “mrekulli” ndodhi. Një fëmijë dy muajsh i quajtur Mehmen Çinar është nxjerrë i gjallë nga rrënojat e një pallati. Foshnja u mor menjëherë nga ekipet mjekësore dhe nga punonjësit e kërkim-shpëtimit. Ekipet arritën edhe te prindërit e Mehmetit të vogël të cilët bërtisnin dhe kërkonin ujë në rrënoja. Turqia dje përjetoi një nga tërmetet më shkatërrues të shekullit të kaluar. Ndërsa tronditja dhe dhimbja nga tërmeti i parë vazhdonin, Turqia u trondit nga tërmeti i dytë me magnitudë 7.6 në orën 13.24. Në dy tërmetet e mëdha humbën jetën 2 mijë e 921 persona dhe u plagosën 15 mijë e 834 persona.