Më në fund, e ardhmja e Kristjan Asllanit është shumë pranë zgjidhjes, kjo pasi mesfushori kuqezi ka dhënë bekimin e tij për t’u transferuar në Turqi, tek ekipi i Beshiktash. Të gjithë mediat italiane në sinkron e bëjnë fakt të kryer transferimin e Asllanit në Stamboll, me Inter dhe Beshiktash që kanë gjetur akordin total. Bëhet fjalë për një transferim në formë huazimi me të drejtë blerje në fund të sezonit.
Në këto ditë të fundit të merkatos, pasi të jenë zgjidhur edhe detajet e fundit, më shumë burokratike, Asllani pritet të zbarkojë në Stamboll ku për herë të parë në karrierë do të nis një aventurë jashtë Italisë. Kjo ishte një pengesë e fortë, pasi Asllani në më shumë se një herë këtë periudhë kishte refuzuar çdo fortë jashtë Serie A, por me sa duket, pamundësia për të gjetur një projekt që i përshtatet në Itali e detyrojë të transferohet në Turqi.
Me këtë lëvizje, Asllani shpreson që të rikthehet edhe një herë në nivele të larta, të ndryshojë karrierën e tij, ndërsa Inter shpreson vetëm që Beshiktash apo ndonjë skuadër tjetër të blejë kartonin e Asllanit në fund të këtij sezoni.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
