Aurel Voda, burri i zv/ ministres së Brendshme Rovena Voda, është larguar nga detyra e drejtorit të Shërbimit Parësor Spitalor. Lirimi nga detyra është firmosur nga ministrja e Shëndetësisë Ogerta Manastiriu për shkak të fjalorit të papërshtatshëm në rrjetet sociale.
“I patolerueshëm reagimi i dr.Aurel Vodës në profilin e tij në Facebook ndaj disa sulmeve mediatike. Cilatdo qofshin arsyet që e kanë motivuar atë reagim, ai e ka humbur të drejtën të paguhet me taksat e qytetarëve si drejtues në strukturat e sistemit të Ministrisë së Shëndetësisë. Largimi i tij është një mesazh i qartë për të gjithë. Kush s’i duron dot me qytetari sulmet e çfarëdo lloji, nuk mund të jetë pjesë e sistemit tonë”, shkruan ajo.
Aurel Voda teksa komentonte në një lajm të kreut të LZHK-së, se nëse nuk hapne negociatat, PD-ja do të niste protestat, shkruante në koment “Na plasi k***”. Ky koment mesa duket i ka kushtuar vendin e punës. Ndërkohe ne një postim tjetër në Facebook, Voda sulmonte gazetarët me fjalor të papërshtatshë dhe etiketime fyese.
