Napoli po përjeton makthe këtë periudhë, me blutë që e shohin veten totalisht jashtë çdo objektivi të mundshëm. E vetmja gjë për të cilën ekipi i Contes mund të luftojë është të sigurojë një vend në Champions League sezonin e ri, çdo përfundim tjetër do të ishte një dështim total. Pas humbjes së pësuar ndaj Atalantës, Napoli u rikthye në fushë për të përgatitur sfidën kundër Verona-s. Lajmi i vetëm pozitiv në këtë pikë të sezonin është rikthimi i Kevin De Bruyne.
Belgu u pa në qendrën stërvitore të klubit pas një mungesë të gjatë. Që nga 25 tetori i vitit të shkuar, De Bruyne zbret për herë të parë në fushë, por vijon të stërvitet në mënyrë të diferencuar. Sipas informacioneve të fundit, belgu pritet të rikthehet në fushë në mesin e muajit mars, për takimin kundër Lecce-s.
Conte shpreson që me De Bruyne në formacion të ndryshojë rrjedhën e këtij sezoni që po shkon në drejtim të kundërt, në rënie të lirë, duke vendosur në dyshim të fortë prezencën në Champions. Aktualisht, Napoli ndodhet në vendin e tretë në kuotën e 50 pikëve, po aq sa Roma dhe plus 4 pikë në raport me Juventuesin e vendit të 5-të.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
