New York Nicks mundi me vështirësi Miami Heat 132-125, në sfidat e së dielës në sezonin e rregullt të NBA. Nicks vuajtën në periodën e parë, teksa skuadra nga Florida u mundua të shkëputej, por kthesa erdhi në pjesën e dytë për vendasit. Jalen Brunson ishte më i dalluari për njorkezët, pasi realizoi 47 pikë dhe kapi 8 topa në tabelë.
Fitore e ngushtë edhe për Minesota Tombewolves që arriti të mund Milwakee 103-100. Për vendasit ishte Edward më i dalluari me 24 pikë, ndërsa 24 pikët dhe 10 reboundet e Porter për Bucks rezultuan të pamjaftueshme.
Vijon forma e mire këtë sezon e San Antonio Spurs. Ekipi teksan mundi në transfertë Washington 113-124, duke mos e vënë në dyshin asnjëherë suksesin. Për Spurs Fox dhe Kornet ishin lojtarët më të dalluar, respektivisht me 27 dhe 20 pikë.
Surpriza e mbrëmjes ndërkohë mund të konsiderohet fitorja e Sacramentos ndaj Houston. Teksanët që vinin në këtë përballje pas një ecurie positive u mundën 125-124, ku për të vendosur fituesin u desh koha shtesë. De Rozan bëri diferencën në parket për vendasit, teksa realizoi 27 pikë e dhuroi 9 asist, ndërsa Sengun ishte më i dalluari për miqtë falë 28 pikëve të shënuara.
