Ndërron jetë kryetari i Bashkisë Janinë

Në orët e vona të pasdites së sotme është ndarë nga jeta kryetari i Bashkisë së Janinë, Moises Elisaf. Ai vuante nga kanceri prej disa kohës. Profesori i Mjekësisë, Moises Elisaf ishte kryetari i parë me origjinë hebreje që u zgjodh në Greqi. Ai nisi të drejtojë Janinën prej qershorit të vitit 2019. Elisaf lindi në Janinë në vitin 1954. Prindërit e tij i mbijetuan Holokaustit duke u arratisur në Lindjen e Mesme ndërsa gjyshërit dhe 10 të afërm të tij nuk u kthyen nga Aushvici. ©argjiroja.net