Kamza ka reaguar në “Facebook” pas akuzave dhe polemikave që kanë ardhur pas ndeshjes me Luftëtarin, teksa ka pasur tensione në tribunën “VIP” dhe deklarata nga ana e shefit të klubit bluzi, Gentian Norës, i cili është shprehur se kamzalinjtë u kanë kërkuar lëshimin e ndeshjes.
REAGIMI– “Nisur nga ankesat e paqarta te disa personave apo tifozë te skuadres se Luftetarit, jemi te detyruar te sqarojme si me poshte:
Ngjarja e pare: ky gjyqtari nga Gjirokastra pati nje keqkuptim, ka qene z. Naim Qarri (mik i gjyqtarit Laze) qe ka nderhyre per te shuar gjakrat ne disa sekonda. Ngjarja eshte mbyllur dhe s’ka patur me asnje problem. Kete e fakton edhe prania e forcave te shumta policore qe nuk ishte nevoja te nderhynte, duke pare situaten e sfumuar ne moment. Trrillimi mediatik mund te kete ardhur si pasoj e gjendjes emocionale te ngarkuar ku mbase dikush eshte frikesuar vetem nga nje debat i momentit. Personi ne fjale (gjyqtari nga Gjirokastra) ka qendruar nga fillimi dhe deri ne fund te ndeshjes pa ju prekur qerpiku dhe presidenti yne e ka shoqeruar deri jashte stadiumit ne fund te ndeshjes.
Nderkohe qe degjuam edhe ankesen e Gentian Nores. Nuk e njohim kete person. Madje kur degjuam Nora ne media, menduam se behej fjale per Arlind Noren, ish-futbollistin e njohur. Degjuam se i eshte bere presion Nores se vogel, apo djalit te Tavos! Ne fakt duhet te jene te qete se ne me femijet nuk merremi, por as me te rriturit dhe kete e konfirmon fakti se presidenti Tavo ka qene aty nga fillimi e deri ne fundin e takimit dhe nese do te kishte presion sigurisht do te behej ndaj tij qe eshte i pari ekipit, jo ndaj personave qe rrine ne klub si miq apo te aferm te tij.
Por mbase keto skenare mediatike jane thurur nga vete Tavo qe kerkon te mos te dal vete ne skene dhe ti mbledh “geshtenjat” me duart e te tjereve”, shkruhet në deklaratën e klubit të Kamzës.
