Ndeshja me Lushnjën, Luftëtari rikuperon dy futbollistë kryesorë

Ekipi i Hasan Likës mund të buzëqesh pas pushimit që kishte kampionati shqiptar, për shkak të ndeshjes që zhvilloi Kombëtarja.  Kështu, Luftëtari ka rikuperuar dy futbollistë në dispozicion që i kanë munguar në ndeshjen e fundit, Dejvi Bregun dhe Vasil Shkurtaj. Ky i fundit vuante një dëmtim paksa më të gjatë se Bregu, por sipas të gjitha gjasave, do të jetë i gatshëm për takimin e fundjavës kundër Lushnjes. Në një prononcim të shkurtër për “RTSH”, Shkurtaj është shprehur se do të jetë i gatshëm ndaj Lushnjes, megjithëse ndjen ende disa dhimbje, të cilat e kufizojnë sulmuesin të japin më të mirën e tij.