Pavarësisht se policia e patrullës i ka bërë shenjë “golfit” për të ndaluar, shoferi dhe pasagjeri i makinës i kanë dhënë gaz në tentativë për t’i shpëtuar forcave të policisë. Me nisjen e ndjekjes së makinës në afërsi të Bistricës në Sarandë, forcat e policisë shumë shpejt kanë kuptuar se arratia nuk ka ardhur për shkak të ndonjë problemi me dokumentat. Makina e policisë është detyruar të përplasë automjetin e të rinjve e ta nxjerrë nga rruga. Me ndalimin e “golfit”, policia ka gjetur në makinë një sasi të madhe droge. Dy personat, ende të paidentifikuar, janë arrestuar.
©ArgjiroLajm.net
