Trajner dhe drejtor të ri teknik. Luftëtari ka rinisur sot stërvitjen dhe përballë një grupi të cunguar lojtarësh, pasi shumica e titullarëve mungonin, është prezantuar si trajner i parë Neritan Novi.
Gjithashtu “Panorama Sport” zbulon se drejtor teknik do të jetë ish-trajneri i Partizanit, Nikolin Çoçlli. Këtë pozicion në klubin gjirokastrit e ka mbajtur Klodian Duro, i cili më pas u tërhoq. Çoçlli është një emër i njohur i futbollit shqiptar, teksa ka luajtur për ekipe si Partizani dhe Tirana, duke fituar tituj kampionë në vitet ‘90.
Megjithatë, problemi më i madh për momentin te gjirokastritët është ana financiare, me drejtuesit që nuk kanë mbajtur ende premtimet.
Gjithçka mbetet për t’u parë se si do të operojë në merkato klubi bluzi, teksa largimet pritet të jenë të shumta duke filluar nga kapiteni Rapo, sulmuesi Fili etj.
