Bigamia nuk do të konsiderohet më vetëm si problem moral, por pas pak kohësh kush mban më shumë se një partner mund të përfundojë edhe në burg.
Në ndryshimet e reja që pritet të bëhen në Kodin e Penal, parashikohet që bigamia të konsiderohet si vepër penale e cila mund të dënohet deri në 3 vite burg.
Në projektligjin e hedhur për diskutim theksohet se: Mbajtja e dy ose më shumë martesash në të njëjtën kohë, apo bashkëjetesa me një apo më shumë partnerë/e në të njëjtën kohë, dënohet me gjobë ose me burgim deri në tre vjet. Nëse bigamia vazhdon pas dënimit të parë, dënohet me burgim nga gjashtë muaj deri në katër vjet.
Çfarë thotë Kodi i Familjes për bashkëjetesën
Kodi i Familjes bashkëjetesë cilëson kur dy individë kanë një lidhje emocionale dhe jetojnë në çift, e karakterizuar nga një jetë e përbashkët, që paraqet një karakter stabiliteti dhe vazhdueshmërie.
Kujtojmë që fenomenet të martesave apo bashkëjetesave të një burri me dy ose më shumë gra nuk është një fenomen i panjohur në vendin tonë. Shpesh kemi dëgjuar që në zonat e thella rurale ky fenomen cilësohet normal, pasi gruaja i jep leje burrit të rimartohet me qëllim që të lërë pasardhës.
Ndërkohë që vetëm pak javë më parë këtë fenomen e pamë të ndodhet dhe në Tiranë, ku kirurgu Dervish hasi bashkëjetonte me 3 gra brenda në banesë, ndërkohë që priste të merrte dhe një të kartërt, e cila ishte një e mitur 16 vjeçare.
Pas denoncimit të prindërve të vajzës, kirurgu hasi tashmë ndodhet pas hekurave.
