Sezoni i Formula 1 do të nisë, sipas traditës, në Australi, në pistën “Albert Park Circuit”. Për garën e parë të vitit janë bërë tashmë publike detajet operative lidhur me zonat e “Straight Line Mode”. Por, çfarë është “Straight Line Mode”?
Bëhet fjalë për një sistem aktiv aerodinamik që zëvendëson atë DRS, i projektuar për të minimizuar rezistencën e ajrit (drag) në vijat e drejta të pistës, i futur këtë sezon në Formula 1 me revolucionin e rregullores. Ky sistem funksionon duke rregulluar në mënyrë aktive elementët e krahut të përparmë dhe të pasmë në një konfigurim me rezistencë të ulët ajri, duke rritur shpejtësinë maksimale në mënyrë të pavarur nga distanca me makinat e tjera (pra, pa qenë i kushtëzuar nga afrimi me një kundërshtar, siç ishte DRS). Pikërisht në pistë australiane do të debutojë zyrtarisht sistemi i ri “Straight Line Mode”, i cili zëvendëson përfundimisht DRS-në tradicionale.
PESË ZONA AKTIVIZIMI
Për fundjavën e Melburnit janë parashikuar pesë zona aktivizimi të shpërndara përgjatë xhiros. E para lidh kthesën 14 me kthesën 1, duke shfrytëzuar vijën kryesore të drejtë dhe segmentin më të shpejtë të pistës. E dyta shtrihet mes kthesës 2 dhe 3, ndërsa e treta mes kthesës 5 dhe 6. Dy zonat e fundit ndodhen përkatësisht mes kthesës 8 dhe 9, si dhe mes kthesës 10 dhe 11. Një konfigurim i gjerë që premton ndryshime të vazhdueshme ritmi dhe më shumë mundësi parakalimi krahasuar me të kaluarën.
PIKA E MATJES NË KTHESËN
14 Me rregulloren e re, Formula 1 i thotë lamtumirë krahut të pasmë të lëvizshëm në kuptimin klasik. “Straight Line Mode” lejon ndryshimin e konfigurimit si të krahut të përparmë ashtu edhe të atij të pasmë në segmentet e drejta të përcaktuara. Nuk bëhet më fjalë vetëm për hapjen e një krahu, por për një sistem të integruar që ndërhyn në të dy akset e makinës, duke e bërë efektin më të sofistikuar. Krahas kësaj risie prezantohet edhe “Overtake Mode”, e cila mund të përdoret nga pilotët që ndodhen brenda një sekonde nga makina përpara dhe u mundëson të shfrytëzojnë të gjithë fuqinë elektrike, deri në 350 kW, duke arritur shpejtësi deri në 340 km/h.
