Gjirokastra do të mirëpresë një event të madh këtë pranverë. Në datat 5 dhe 6 Prill 2019 do të mbahet në qytetin e gurtë takimi i 6 ministrave të Mjedisit të vendeve të Ballkanit Perëndimor. Lajmin e njofton zv.ministrja e Turizmit dhe Mjedisit, Ornela Çuçi përmes një postimi në faqen e saj në Facebook.
“Tashmë të gjithë vendet e rajonit po presin konkretizimin e nismës sonë mjedisore në Gjirokastër, në datat 5 dhe 6 Prill 2019. Marrëveshja e Gjirokastrës për mjedisin e Ballkanit Perëndimor pritet të hapë dyert e programeve mjedisore për 10 vitet e ardhshme!”, thotë Çuçi.
Takimi do të drejtohet nga kryeministri Edi Rama. Pjesëmarrës do të jenë gjithashtu edhe zyrtarë të tjerë vendas e ndërkombëtarë.
©argjiroja.net
