Nesër dëshmon në Komisionin Hetimor për Inceneratorët, Rama: Mos e humbisni, mezi po pres të shkoj

Kryeministri Edi Rama ka prezantuar pyetësorin e Këshillimit Kombëtar para qytetarëve të Durrësit.
Në fjalën e tij ka komentuar zhvillimet në Komisionin Hetimor të Inceneratorëve duke thënë se mezi po pret që të shkojë nesër për të dhënë dëshminë e tij.
“Duam ta kthejmë në një praktikë qeverisë të përvitshme. Se kur vjen puna në Kuvend është e pamundur, aq më tepër se tani është bërë një gjë që askush nuk e imagjinonte.
Gara është bërë shumë më e egër por jo në kuptimin e argumenteve, por në kuptimin e kapërcimit të normave etike, të çdo lloj kufiri, dhe në kuptimin e braktisjes së terrenit ku njerëzit jetojnë. Nuk bëhet debate për gjërat e jetës së tyre të përditshme, Bëhen debate kush je ti e kush jam unë e kush ka vjedh më shumë. Mezi po pres të shkoj nesër, mos e humbni nesër”, tha Rama.