Netanyahu: Izraeli nuk kërkon të zhvendosë banorët e Gazës, por i lejon ata të largohen nëse duan

Kryeministri izaelit, Benjamin Netanyahu këmbëngul se Izraeli nuk po kërkon të zhvendosë me forcë palestinezët, por thjesht dëshiron t’u ofrojë atyre që janë të interesuar t’u lënë mundësinë ta bëjnë këtë.
“Ne nuk po dëbojmë askënd dhe nuk mendoj se ky është sugjerimi i Presidentit Trump”, tha Netanyahu në përgjigje të një pyetjeje nga një gazetar në Kapitol përpara takimit të tij me udhëheqësin e shumicës në Senat, John Thune.
Kur Trump prezantoi planin e tij për të marrë kontrollin e Gazës për herë të parë në shkurt, ai foli për zhvendosjen e përhershme të të gjithë popullsisë.