Kristal Abazaj do të kishte dashur që të luante me Luftëtarin në Europë për të çuar në fund rrugëtimin e tij me skuadrën gjirokastrite. Këtë e ka zbuluar vetë futbollisti i ftuar në emisionin “Rubrika Sportive”, ku ka treguar se ajo është gjëja e vetme që i mungon nga ky sezon.
Për dëmtimin në ndeshjen e sotme
“Nuk ishte një situatë e mirë, një ndërhyrje që nuk ishte normale. Por ngeli aty dhe e harruam shpejt”.
Për atë që ka marrë nga ky sezon në Superiore
“Nuk i kam marrë të gjitha, më kishte ngelur një pishman. E mira ishte ta çoja deri në fund ku e nisa me Luftëtarin po çfarë t’i bëjmë”,
SEZONI-“Ky ishte një sezon më i mirë se vjet. Nuk e prisnim. Në fazën e parë kishim 5 pikë në 9 ndeshje. Por me ndryshimin e trajnerëve, u ngritëm. Që pas ndeshjes me Kamzës që fituam, nuk u ndalëm më.
Edhe lojtarët e ardhur në merkato na ndihmuan. Por, baza aty ka qenë. I vlerësojmë edhe lojtarët e ardhur në merkaton e janarit.
Lojtarët e tjerë të Luftëtarit që kanë spikatur është edhe Rroca, i cili është një super lojtar, ndoshta më i mirë se mua dhe Bregu. Por nuk e kanë lënë dëmtimet. Edhe Shkurtaj është një lojtar shumë i mirë.
“Arma” jonë është fakti se jemi shumë të bashkuar, si vëllezër”.
MBIJETESA- “Vllaznia ka shumë lojtarë të mirë dhe as vetë nuk e mora vesh sesi ra nga Superliga. Përgëzime për Kamzën që ka bërë një sezon shumë të mirë dhe e meritoi qëndrimin”, tha Abazaj, i cili zbuloi edhe datën kur do të nisë aventurën e tij te Anderlecht: “Më 13 qershor do të shkoj te Anderlecht”.
SHITJA– “Jam shitur tek Anderlecht pas golit që kam shënuar ndaj Partizanit”.
