Vrasja e 8-vjeçarit Mateo Vasiu në Grecalli të Fierit është bërë jehonë në mediat greke. Ngjarja e rëndë e cila ka tronditur mbarë opinionin shqiptar edhe atë grek,ndodhi ditën e djeshme, ku i vogli u rrëmbye dhe u gropos nga fqinji i tij. Mediat greke e kanë konsideruar të tmerrshme ngjarjen në Shqipëri. “Tmerr në Shqipëri, fëmija 8-vjeç vritet më lopatë nga fqinji” shkruan protothema.gr.
“Krimi i tmerrshëm”, shkruan një media tjetër.
Newpost.gr e ka quajtur makabre ngjarjen e rëndë, ndërsa përcjell detajet e këtij krimi.
Artikulli i medias greke “Megatv”:
“Ligjet duhet të rikthehen. Jo vetëm për ta varur, për ta djegur me benzinë”.
Zemërimi, trishtimi dhe tronditja. Banorët e fshatit Grecali në Shqipëri kërkojnë dënimin me vdekje për autorin që vrau fqinjin e tij 8-vjeçar.
38-vjeçari që u arrestua e rrëmbeu, e mbajti rob për orë të tëra dhe në fund e vrau.
Armë vdekjeprurëse, një lopatë.
Megjithatë informacionet tronditëse nuk ndalen me kaq, pasi autori 38-vjeçar ka varrosur trupin e pajetë të fëmijës në oborrin e shtëpisë së tij.
Autoritetet po hetojnë nëse 8-vjeçari është abuzuar seksualisht gjatë orëve që ka qenë i burgosur
Rrëmbimi
Krimi i rëndë ka ndodhur pak ditë më parë në fshatin Grecalli të zonës së Fierit.
Fëmija 8-vjeçar ishte duke lëvizur me biçikletë kur autori, i cili pranoi aktin e tij, e tërhoqi zvarrë drejt shtëpisë së tij ku jetonte i vetëm.
Orët kalonin, fakt që shqetësoi nënën e të miturit që denoncoi zhdukjen e tij.
Fqinjët e familjes kërkojnë dënimin me vdekje për autorin.
“Çfarë do të thoni të dënoheni? “Duhet ta kishin varur. Ajo që bëri ishte mëkati më i madh”.
Kryeministri i vendit Eddie Rama i ka shprehur ngushëllimet familjes së fëmijës.
