Pas nisjes së punimeve për ujësjellësin e ri të Lazaratit, Bashkia Gjirokastër ka nisur punën edhe ndricimin e rrugës kryesore të lagjes “Zinxhira”. Kryebashkiaku Flamur Golemi ka parë sot nga afër punimet dhe thotë se do të ngrihet një sistem i ndriçimi më efiçentë me teknologjinë LED. Panelet e komandimit janë me fotoelementë që ndizen dhe fiken në varësi të intesitetit të dritës natyrale.
“Besoj se në pak javë do të jetë gati gjithçka dhe kushdo që e përdor natën këtë rrugë do ta ketë më të lehtë se kurrë lëvizjen. Investimi është një mbështetje e çmueshme e miqve e partnerëve tanë italianë të CESVI, me të cilët do të kemi edhe projekte të tjera. Edhe pse 2020 është një vit i vështirë financiarisht për shkak të pandemisë, Bashkia Gjirokastër do të shpenzojë me nikoqirllëk çdo qindarkë të taksapaguesve duke mos penguar as investimet e domosdoshme. Pas disa ditësh do të jemi në një kantier tjetër për ndërtimin e një këndi për fëmijët në lagjen “18 Shtatori”, shkruan Golemi në faqen e tij në Facebook.
