Ndërsa vijojnë regjistrimet për ciklin Bachelor të studimeve, Universiteti “Eqrem Çabej” Gjirokastër ka hapur gjithashtu regjistrimet edhe në programet e ciklit të dytë, Master i Shkencave dhe Master Profesional.
Sipas njoftimit nga Zyra e Marrëdhënieve me Publikun në këtë universitet, regjistrimet bëhen pranë sekretarive të njësive kryesore dhe janë të hapura deri më datë 20 tetor.
Në tabelat më poshtë mund të shihni programet e studimit në MSH dhe MP, ndërsa kandidatët që kërkojnë të ndjekin një program të dytë studimi apo të transferojnë studimet në programet e studimeve të ciklit të parë dhe të ciklit të dytë kanë të drejtë të aplikojnë pranë UGJ-së nga data 7 shtator 2017 deri në datën 19 shtator 2017.
Për informacion shtesë mund të vizitoni faqen online të universitetit www.uogj.edu.al dhe mund të kontaktoni në nr e 068 40 30 043.
