Një grup banorësh të Zagorisë kanë ndërmarrë një iniciativë për të ngritur në fshatin Sheper bustin e patriotit dhe firmëtarit të Aktit të Pavarësisë, Aristidh Ruçi.
Nisma është publikuar në rrjetet sociale, teksa shpjegohet edhe rëndësia e këtij vlerësimi që duhet bërë për këtë figurë të shquar të kësaj krahine.
Grupi nismëtar ka ngarkuar dy persona për të koordinuar procesin e mbledhjes së fondeve dhe realizimin e bustit.
Në Intesa Sanpaolo Bank është hapur ndërkohë edhe një numër llogarie bankare për të depozituar shumën e parave nga ata që duan të kontribuojnë.
Më poshtë njoftimi i plotë për iniciativën.
Ne, dashamirës të historisë dhe trashëgimisë sonë kombëtare nga fshati Sheper – Zagori, marrim iniciativën për ngritjen e bustit të një prej figurave të shquara të lëvizjes kombëtare dhe firmëtar i Aktit të Pavarësisë së Shqipërisë, ARISTIDH RUCI, në vendlindjen e tij në fshatin Sheper- Zagori.
Ngritja e bustit të Aristidh Ruçit është një rikthim i kujtesës kombëtare ndaj një personaliteti që dha gjithcka për Shqipërinë. Është në nderin tonë ta vendosim bustin e Aristidh Rucit – Nderi i Kombit, në lulishten e rilindasve në krah të A.Z.Çajupit- Nderi Kombit, dhe Ilia Dilo Sheperi – Mësues i Popullit- Nderi i Kombit.
Kështu plotësohet më së miri plejada e Rilindasve nga fshati Sheper, fshat që ka vënë gurë themeli ne historinë e kombit dhe shtetit shqiptar.
Ju lutemi të gjithë sheperiotëve, zagoritëve por edhe më gjerë të japin kontributin e tyre për këtë nismë. Numri i llogarisë do të jenë në bankën Intesa San Paolo, si më poshtë.
Menaxherë me përgjegjësi dhe transparencë të plotë, Jani Ziso & Eli Bici.
Ftojmë Bashkinë Libohovë të bëjë të mundur restaurimin e lulishtes. Me respekt grupi nismëtar: Jani Ziso, Stefan Bulo, Eli Bici, Ylli Dilo, Vasil Muzha , Dritan Muzha , Ilia J Kuro.
Për çdo informacion Nr Tel : 0692090037; 0692165139; 0692093532
