Në internet ka nisur nënshkrimi i një peticioni për rikonstruksionin e rrugës që lidh Përmetin me Frashërin, fshatin ku kanë lindur figurat e shquara të Rilindjes Kombëtare. Iniciator është bërë Florian Dauti. Deri më tani peticionin, i cili thuhet se do t’i dorëzohet autoriteteve të qeverisë shqiptare, e kanë nënshkruar mbi 1600 persona.
“Ne kërkojmë ndihmën e çdo qytetari shqiptar, shqiptar të Shqipërisë, Kosovës, Maqedonisë së Veriut, Malit të Zi, diasporës e kushdo që mendon se e ardhmja e kombit ngrihet mbi respektin e atyre që sakrifikuan çdo gjë për të na trashëguar Shqipërinë që sot kemi, për t’a plotësuar këtë peticion online.”, thuhet ndër të tjera në shënimin që shoqëron peticionin.
Edhe pse gjasat janë të pakta që ky peticion të ndikojë tek qeveria shqiptare për të celur një fond për rikonstruksionin e rrugës, duhet përshëndetur si një formë demokratike e kërkesës së llogarisë së qytetarëve ndaj qeverisë. Kush është i interesuar për ta nënshkruar këtë peticion, e gjen në linkun më poshtë.
