Nuk kanë të sosur sasitë rekordë të drogës që po kapen në vend, duke vërtetuar atë që thuhet prej kohësh se Shqipëria është kthyer në një hambar gjigant të kanabisit në Europë. Policia ka kapur plot 1.5 ton kanabis në Velipojë, pranë plazhit të Vilunit.
Pesë persona janë arrestuar në flagrancë, ndërsa dy të tjerë janë shpallur në kërkim. Mes të arrestuarve është edhe një oficer policie i cili kishte dalë garant për transportin e drogës. Ai quhet Enriko Zyle, efektiv te Policia Kufitare Tiranë. Pjesë e kësaj bande është edhe një 32-vjecar nga Përmeti, i cili është shpallur në kërkim. Të arrestuarit e tjerë janë:
- Sokol Ujka, 42 vjeç, banues në Velipojë Shkodër.
- Enriko Zyle, 42 vjeç, lindur në Shkodër banues në Tiranë, Punonjës Policie në DRKM Tiranë.
- Arbër Bozhanaj, 30 vjeç, banues në Orikum Vlorë
- Genti Dano, 35 vjeç, banues në Selenicë Vlorë.
- Dervish Gjolekaj, 32 vjeç, banues në Dukat Vlorë.
Ndërkohë vijon puna për kapjen e tre shtetasve të shpallur në kërkim:
1.F.M, 32 vjeç, banues në Përmet
2.J.B, 20 vjeç, banues në Orikum Vlorë.
- GJ.N, 44 vjeç, banues në Lezhë
