Teoristët e konspiracionit e kanë kthyer vëmendjen e tyre drejt Antarktidës më shumë sesa do të pritej gjatë viteve të fundit.
Së pari, ishte rasti i “ujëvarave që rrjedhin gjak” , i cili mbetet një nga fenomenet më të çuditshme natyrore që ka të ngjarë të shihni, dhe ekziston edhe misteri i një të ashtuquajture “piramidë” që është gjetur në kontinent.
Vetëm se nuk është aspak piramidë – në fakt, është një mal.
Malet Ellsworth janë vargmali më i lartë në Antarktidë dhe shtrihen 400 km, dhe mali në fjalë u zbulua nga Ekspedita Britanike Antarktike e viteve 1910-1913.
Në atë kohë, ajo quhej “Piramida” për ta mbajtur të fshehur natyrën e vërtetë të zbulimit nga të tjerët.
Megjithatë, gjatë njëqind viteve të fundit, njerëzit kanë spekuluar rreth natyrës së vërtetë të vendndodhjes (edhe pse është në thelb një mal, që del nga akulli) dhe tani është zbuluar një veçori e dytë interesante gjeografike dhe i ka bërë ata të flasin përsëri.
Vendndodhja në fjalë gjendet në koordinatat 79°58’39.25?S 81°57’32.21?W, e cila ka qenë një vend shumë i kërkuar në Google Earth.
Duke folur për IFL Science, gjeologu në Qendrën Gjermane të Kërkimeve për Gjeoshkencat në Potsdam, Dr. Mitch Darcy, tha: “Strukturat në formë piramidale ndodhen në Malet Ellsworth, të cilat janë një vargmal më shumë se 400 km i gjatë, kështu që nuk është çudi që ka maja shkëmbore që dalin mbi akull. Majat janë qartësisht të përbëra nga shkëmbinj, dhe është rastësi që kjo majë e veçantë ka atë formë.”
“Nuk është një formë e komplikuar, kështu që nuk është as një rastësi e veçantë. Sipas përkufizimit, është një nunatak, i cili është thjesht një majë shkëmbi që del mbi një akullnajë ose një shtresë akulli. Ky ka formën e një piramide, por kjo nuk e bën atë një ndërtim njerëzor.”
Pra, vendndodhja e re është pikërisht kjo – një mal që del nga maja e akullit në Antarktidë, dhe aspak një piramidë misterioze.
Antarktida ka qenë subjekt i më shumë seç duhet spekulimeve kohët e fundit, pasi teoricieni konspirativ Eric Hecker e përshkroi Stacionin Amundsen-Scott në Polin e Jugut si një qendër “kontrolli të trafikut ajror” për alienët në fillim të këtij viti.
Hecker pohoi se në vitin 2010, Raytheon, konglomerati amerikan i hapësirës ajrore dhe mbrojtjes, e zgjodhi atë të ishte kontraktor në qendrën kërkimore të operuar nga Fondacioni Kombëtar i Shkencës i Shteteve të Bashkuara.
Sipas Hecker, stacioni kishte “shumë më tepër” që u duk në shikim të parë.
