Një tërmet i fuqishëm shkund Qipron, ja sa ishte magnituda

Lëkundje të forta tërmeti janë ndjerë në orët e para të mëngjesit sot në Qipro. Sipas qendrës sizmologjike një tërmet me magnitudë 5.1 ballë të shkallës Rihter goditi Qipron në orën 04:40 të mëngjesit. Sipas informacioneve epiqendra ndodhet në zonën detare 63 kilometra në juglindje të Larnakës. Thellësia e tërmetit vlerësohet n të ketë qenë 10 km. Lëkundjet janë ndjerë kryesisht në Larnaka dhe Limasol por edhe në Nikosia. Nuk raportohet për të lënduar apo dëme materiale.