Një ditë më parë në Tiranë u çertifikuan 131 persona si mjeshtra dhe ndihmës mjeshtra në fushën e trashëgimisë kulturore, pas një trajnimi gjashtë mujor për aftësim në punimin e gurit, drurit, hekurit dhe suvasë.
Mes tyre kishte shumë edhe nga Gjirokastra. Në ceremoninë e organizuar me këtë rast, ministrja e Kulturës, Mirela Kumbaro, duke iu referuar moshës së re të tyre tha se ata janë gjirokastritët e gjeneratës tjetër, që do të punojnë në kantieret e restaurimit të monumenteve.
“Unë besoj se kemi arsye të gëzohemi kur shikojmë që kemi restauratorë të rinj. Unë kam dhe një arsye tjetër kur shikoj që këta të rinj janë gjirokastritë”, tha Kumbaro.
Mes batutave në skenë, ministrja shpërndau çertifikata për Mariglen Xhemalin, Gentian Nurçen, Martin Gegën, Armant Telhajn, Apostol Stavrin etj. Shihni videon më poshtë.
Programi “Aftësi për punësimin e së nesërmes u zbatua nga fondacioni Trashëgimia Kulturore pa Kufij në bashkëpunim me Ministrinë e Kulturës, Institutin e Monumenteve të Kulturës, Ministrinë e Financave dhe Ekonomisë, Drejtoritë Rajonale të Trashëgimisë Kulturore në Berat, Gjirokastër dhe Korçë si dhe Drejtoritë Rajonale të Formimit Profesional Publik në Gjirokastër dhe Korçë dhe shkollës profesionale ‘Stiliano Bandilli’ në Berat. Projekti u nga Ministria e Ekonomisë, Energjitikës, Transportit dhe Zhvillimit Rajonal në Landin e Hessen-it, Gjermani dhe SIDA
©ArgjiroLajm.net
