Një grua izraelite është cilësuar si heroinë pasi iu shpëtoi jetën banorëve të komunitetit e Nir Am nga sulmuesit e Hamasit.
25-vjeçarja, Inbar Lieberman udhëhoqi një grup banorësh për të vrarë më shumë se dy duzina terroristë që përparonin ndërsa mbronin kibutin (komunitetin), vetëm një milje nga Rripi i Gazës, shkruan Daily Mail.
Lieberman, e cila ka qenë pjesë e radhëve të sigurisë në rajon që nga dhjetori 2022, dëgjoi shpërthimet që nisën herët të shtunën, ku Hamasi nisi dhe sulmin e paprecedentë dhe vdekjeprurës ndaj Izraelit.
Ajo e kuptoi shpejt se tingujt ishin të ndryshëm nga ata që dëgjonte gjatë sulmeve të zakonshme me raketa në kibbutz dhe nxitoi të hapte armaturën dhe të shpërndante me shpejtësi armët midis ekipit të sigurisë prej 12 anëtarësh.
25-vjeçarja vendosi skuadrën e saj në pozicione strategjike në të gjithë vendbanimin, ngriti prita dhe nisi kundërsulmin ndaj pjesëtarëve të Hamasit.
Ajo vrau vetë pesë terroristë, ndërsa shokët e saj iu morën jetën e 20 të tjerëve brenda katër orëve. Nir Am u kthye në një kështjellë të padepërtueshme, ndërsa komunitetet tjera aty pranë pësuan humbje më të rënda.
Nir Am është ndër të paktat komunitete ku terroristët e Hamasit u përpoqën të hynin, por nuk mundën. Në Ein Habsor, një zonë që është gjithashtu afër Rripit të Gazës, një pjesë e vogël e banorëve lokalë penguan një numër më të madh terroristësh të armatosur, tha për Times of Israel një banor, Noam Gotliv.
