Nuk ka drita, disa fshatra të Gjirokastrës zhyten në errësirë

Prej 48 orësh ka ndërprerje të furnizimit me energji elektrike në disa fshatra të Gjirokastrës. Konkretisht problematike gjendja është në njësitë administrative Picar, Cepo dhe Odrie. Shumë banorë të këtyre fshatrave na kanë shkruar të shqetësuar për mungesën e energjisë ndërkohë që nuk kanë asnjë shpjegim për çfarë ka ndodhur. Ky problem është i vazhdueshëm në zonat rurale të Gjirokastrës dhe pavarësisht se është premtuar e premtuar vazhdimisht se do të ketë zgjidhje, ende asgjë nuk është bërë deri më tani. Kryesisht defektet e shpeshta krijohen për shkak të rrjetit të amortizuar dhe mungesës së investimeve ndër vite. Sidomos në ditë me mot të keq mungesa e energjisë elektrike mbetet një problem shumë shqetësues. ©Argjiroja.net