Roxhers Demirazi, 20-vjeçari shqiptar i akuzuar për vrasjen e 19-vjeçarit Alkis Kampanos në Selanik, ka dalë sot në prokurori dhe ka pohuar se nuk mbante asnjë send dhe nuk ka goditur askënd, vetëm ka ndjekur disa persona.
“Isha në makinë, në sediljen pas pasagjerit. Nuk kam marrë asnjë send me vete, nuk kam arritur të godas askënd. Unë thjesht ndoqa disa njerëz,”-tha për veten avokati i tij, Paraskeva Spyratos.
20-vjeçari fillimisht u dorëzua mesditën e djeshme në Komisariatin e Korçës. Ai shoqërohej nga babai i tij, i cili pasi e ka dorëzuar në polici është larguar nga vendi i ngjarjes. I akuzuari për vrasjen e Alkis Kampanos u transferua në orën 1 të mëngjesit nga Krystallopigi në Komisariatin e Selanikut, me pretendimin se ka qenë në ngjarje por nuk e ka vrarë.
4 të pandehurit e tjerë të akuzuar për sulmin vrasës ndaj 19-vjeçarit Alkis Kampanos dhe shoqërisë së tij ndodhen në burg. Për këtë vrasje deri më tani janë caktuar masa e paraburgimit për gjashtë të pandehur.
