Nesër në 18:00 kombëtarja shqiptare e futbollit luan me Estoninë në Air Albania. Dueli miqësor vjen pas humbjes 1-2 në shtëpi kundër Izraelit për Ligën e Kombeve, me trajnerin Edy Reja që ka folur për mediet.
Italiani 76 vjeçar tregon se disa lojtarë kanë pasur problem shëndetësore, teksa do ketë shumë emra të rinj nesër në fushë.
“Do ketë rotacion ndaj Estonisë, në grup kemi lojtarë të mirë dhe të rëndësishëm. Do kemi në fushë një ekip kompetitiv. Lojtarët janë të bindur për një gjë të tillë. Do ketë mundësi për të gjithë lojtarët që të marrin minuta. Do bëjmë një ndeshje të mirë, nuk do jetë e vështirë për të gjetur stimuj.
Izraeli? Gabimet na kanë ndodhur shpesh, kam folur me ekipin. Hymë mirë në fushë por humbëm ekuilibrin. Ishte i papranueshëm. Të bëjmë vlerësimet e duhura për kundërshtarin, ishte gabim i yni që nuk duhet të ndodhte. Te goli i parë bëmë mirë, patëm penalltitë. Duhen lëvizjet e duhura në fushë. Pas golit të barazimit, skuadra u ul psikologjikisht. Nuk mbaron, të kishim reagim. Kjo lloj sjelljeje është e papranueshme. Kjo është diçka që duhet rregulluar. Jemi në këmbë, nuk kemi vdekur akoma. Duhet të kemi besim kur hyjmë në fushë
Ndaj Estonisë më intetreson paraqitja. Dua që lojtarët të kenë tonin në fushë. Mund të ketë ndryshime në formacion, kemi pasur problem shëndetësore. Çokaj, Mersinaj, Vrioni, Bajrami (vjen nesër) janë të rinj. Lojtarët kanë personalitet të mirë. Do kenë mundësi të luajnë nesër. Veseli dhe Lenjani kanë pasur dhimbje gryke, janë mjekuar.
Hysajn mund ta lija pushim, por duke parë gjërat mund të jetë nga minuta e parë. Ai është mësuar të bëjë sakrifica”, tha Reja.
