Nga Odise Kote*
Lamtumirë mik i shtrenjtë Edi Pesha! Ti sot u ngjite në qiell. Të gjithë ne miqtë e tu të jetës ngritëm kokat të çuditur me vendimin tënd. Ishte shumë herët. E qeshura jote e bardhë si shpirti, pasuria dhe siguria jonë e vetme, u nder si fjongo përreth botës. Dhe qëndroi në qiell gjithë ditën. 25 dhjetor 2020! Një jetë, ne na mjaftoi e qeshura jote! Në atë bardhësi rrinin të strukura fjala e mençur, ëndrrat, miqësia, humanizmi, dëshira e pashtershme për punë të mbara. Ti ishe në gjithë lojërat e fëmijërisë, në çapkënllëqet e rinisë, në pasionet e zjarrta të dashurisë, në idetë e hajthme të politikës, në drejtimin inteligjent të detyrës shtetërore me atë shpirtin tënd të bardhë. Kishim nevojë për shpirtin tënd të bukur e fisnik. Dhe ti na doje çmendurisht dhe ne të donim edhe më çmendurisht! Do të na dhembë zemra për shumë e shumë kohë …Edi Pesha, ëngjëll që u ngjite në qiell! Lamtumirë o mik i shtrenjtë!
(*Prefekt i qarkut Gjirokaster)
