Organizata e minoritetit grek ne Shqipëri, “Omonia”, ka bërë një deklaratë pas vizitës së kreut të Kadastrës në Himarë, Artan Lame dhe shpërndarjen e disa certifikatave të pronësisë. “Omonia” thotë se qëllimi i ligjit 20/2020 “është qe prona te ndërroje duar dhe qe ajo t’u rrembehet padrejtesisht himarioteve autoktone”. Më poshtë deklarata e plotë.
Teatri shetites i Artan Lames neper Himare
Te premten, date 16 shtator 2022, Kryetarja e Komisionit per Ceshtjet Ligjore, Administraten Publike dhe te Drejtat e Njeriut, znj Klotilda Bushka zhvilloi nje takim me “qytetaret” e Himares (vetem me kryepleqte e fshatrave dhe administraten e Bashkise, pasi qytetare konsideron vetem njerezit e Partise se saj) per t’i informuar per ecurine e zbatimit te Ligjit 20/2020. Ndersa te nesermen, ne Himare erdhi Drejtori i AKSh, Artan Lame dhe shperndau 10 tapi me pompozitetin e nje reality show.
Drama e popullit te Himares dhe gjithe Shqiperise po vazhdon. Pronaret jane bere ish pronare. Ligji 20/2020, edhe pse i shumereklamuar, ne vend qe ta zgidhte problemin e pronave, e perkeqesoi edhe me shume ate. Te vetmet certifikata qe jane ndare deri tani me kete ligj, jane jo me shume se 20.
Nje certifikate e ka marre nje gazetar dhe ish deputet i majte i konvertuar se fundmi ne fotograf bardh e zi. Te tjerat i kane oligarket dhe pak banore vendas, te cilet i kane shitur tek oligarket. Pra gjithe qellimi e ligjit eshte qe prona te ndërroje duar dhe qe ajo t’u rrembehet padrejtesisht himarioteve autoktone.
Edhe pse shumica e qytetareve ishte kundra ketij ligji, serish mije prej tyre aplikuan per t’u pajisur me certifikate, por zbatimi i ligjit ka zhgenjyer edhe me pesimistet.
Sikur te mos mjaftonte realiteti, kryetari i kadastres Artan Lame, tallet me njerezit. Vjen ne Himare dhe shperndan tapi ashtu si dikur kolonizatoret mashtronin indigjenet duke shkembyer floririn me pasqyrat. Tallja e Lames eshte kaq e madhe saqe shperndahen tapite, sikur po shperndan llotot dhe ua shet qytetareve si nder ate qe u takon. Per mendimin tone, keto levizje nuk kane te bejne aspak me tendencen e qeverise per zgjidhjen themelore te ceshtjes se pronave, por me fillimin e fushates elektorale per zgjedhjet vendore.
Omonia, dega Himare, denoncon manipulimin e ketij procesi dhe i ben thirrje qeverise dhe Artan Lames te mos fyeje inteligjencen e himarioteve, te cilet e kuptojne fare mire se cfare fshihet pas ketij spektakli te shemtuar. Himariotet, qe me pare kishin aftesine t’i zoterojne keto toka prej shekujsh, kane akoma aftesine t’i mbrojne ato me vendosmeri.
