Një operacion antidrogë i zhvilluar mbrëmjen e kësaj të shtune në Sarandë, duke çuar në pranga disa persona dhe sekuestruar armë dhe lëndë narkotike.
Operacioni mbetet ende në vijim e sipër, ndërsa vjen si përgjigje ndaj shqetësimeve të mëdha qytetare për lulëzimin e trafikut të drogës në qytet.
Sipas informacioneve, mes personave të ndaluar dyshohet se ndodhen edhe individë që konsiderohen si “kokat” apo drejtuesit kryesorë të grupeve që kontrollonin shpërndarjen e drogës në të gjithë zonën e Sarandës.
Gjatë kontrolleve, policia ka sekuestruar sasi të konsiderueshme kokaine dhe kanabisi, si dhe armë zjarri që përdoreshin nga anëtarët e këtij rrjeti kriminal.
