Gjykata e Posaçme ka firmosur një seri urdhër-arrestesh për çështjen e inceneratorëve me kërkesë të SPAK.
Deri më tani, zyrtari më i lartë i prangosur është drejtori i Albpetrolit, Florian Muçaj. Ky i fundit ka qenë pjesë e komisionit të prokurimit për inceneratorin e Fierit.
Raportohet se Muçaj është arrestuar në orën 6:00 të mëngjesit në banesën e tij. Gjashtë makina policie kanë marrë pjesë në arrestimin e tij.
Muçën e priste poshtë pallatit shoferi i tij, por pas operacionit ai është larguar.
Muçaj njihet si i besuari i kryebashkiakut të Fierit, Armando Subashi dhe i ish-kryebashkiakut Baftjar Zeqo.
Ai është denoncuar publikisht për çështje tenderash, ndërkohë që ka pasur një akuzë se është arrestuar në SHBA për ngacmim seksual në një kampus universitar. Kjo akuzë nuk është provuar.
