Gjykata e Përmetit ka shtyrë masën e sigurisë për Henri Çilin dhe 29 personat e tjerë të arrestuar në kuadër të operacionit “Mezhgoran”
Shkak për shtyrjen e seancës është bërë lidhja e një prej gjyqtarëve me një nga të arrestuarit. Sipas informacioneve, Gjyqtari Dritan Hasani ka pasur shok klase Betim Shkupin.
Pritet që seanca të rifillojë në orën 13:30 pas ndërrimit të gjyqtarit. Kujtojmë që një ditë më parë Çili ka mohuar të jetë i përfshirë në ndikimin e gjyqtarëve apo të ketë fshehur të ardhurat, akuza këta të ngritura nga prokuroria e Përmetit.
Para oficerëve të policisë gjyqësore, Çili është shprehur se akuzat janë të manipuluara dhe se provat do ti paraqesë në momentin e duhur. Prokuroria thotë se kunati i botuesit, Gazmir Ajdini, ka patur rol kyç në bisedimet mes babait të dy të dy vëllezërve nga Lazarati, Arbion dhe Alban Aliko, shtetasi Adil Aliko.
